La tarxeta postal fotográfica forma parte de la memoria particular y colectiva d´un pasáu non mui lloñe. Esti mediu de comunicación nuevu, escritu y gráficu, empezó a circular a últimos del sieglu XIX y convirtióse ceo nun documentu históricu del devenir de los pueblos. Dos imprentes asturianes, asitiaes en Xixón, foron precursores n´España na impresión de tarxetes postales: la Fototipia y tipografía de Bellmunt y Díaz y la Compañía Asturiana de Artes Gráficas de la razón social de Mencía y Paquet. Esta esposición ta basada nel Catálogo de las tarjetas postales de Asturias, 1892-1941, obra de Martín Carrasco, que lleva más de sesenta años coleccionando les postales d´España y, sobre manera, les d´Asturies.