El Centru de Recepción y Interpretación del Prerrománicu Asturianu acueye una muestra realizada por Joaquín Suárez, “Perucho”, nacíu en Corvera y residente en Posada de Llanera, onde tien el so taller. Depués de xubilase en 1996, dedícase a la so afición favorita: la realización pormenorizada de maquetes d´edificaciones, de manera la d´ilesies prerromániques asturianes. 

Esta muestra ta formada por ocho maquetes de los monumentos más emblemáticos del Prerrománicu Asturianu y llugares rellacionaos col so orixe: Santuariu de Cuadonga, la ilesia de la Santa Cruz, Santuyano, San Pedru Nora, Santa María del Naranco, Samiguel de Lliño, Santa Cristina de L.lena y la ponte de Cangues d´Onís. 

Toos ellos construyíos a escala perfecta, con materiales asemeyaos  a los orixinales que realiza artesanalmente d´una manera individualizada y de forma dafechu autodidacta.