Deséu, guerra, deserción, poder, violencia, patria… Alberto Conejero comparte col públicu la guapura, el misteriu y la escuridá d’un poema épicu, y al traviés d’esti dialoga cola condición humana y enllacia époques variaes. Amiesta voces del pasáu y del presente. Failo a partir del personaxe de Patroclo, compañeru d’armes d’Aquiles. Un montaxe a partir de la Ilíada d’Homero y otros testos, que nos avera a una obra fundamental de la lliteratura clásica griega.