Ente 1840 y 1940 más de 300.000 xóvenes salieron d’Asturies con destín a América buscando una vida meyor. En 1880 el 21% d’estos migrantes yeren muyeres, en 1920 el porcentaxe llegaba al 40%. Cada viaxe individual, cada periplu personal contribuyó a un cambéu global. Somos fíos de la emigración.

Partiendo d’esa realidá, Postales rotes ufre’l retratu d’un procesu históricu que foi siempre cuntáu por homes. Y failo con voz de muyer. Un retratu de la inmigración nel qu’una muyer separtada por un océanu comunícase al traviés de cartes qu’escribe, que nun se lleen, que se ruempen, que nun s’unvien…

Premiu Xovellanos a la Producción Escénica 2024.

4 Premios Oh! de les Artes Escéniques 2025: Meyor Espectáculu, Meyor Dirección, Meyor Producción y Meyor Diseñu d’Illuminación.

Mención Especial del Xuráu a Estrella García nel Festival Internacional de Teatru Esperimental d’El Cairo.