Un proyectu de Carmen Santamarina.

"Libro de oraciones" ye la nueva propuesta espositiva d’una artista que sigue na so indagación frutu del interés y l’estudiu de poetes con un discursu femenín y feminista, llectures que permíten-y siguir construyendo’l so “rellatu” visual y afondar na condición de muyer. L’abanicu de referencies que manexa Santamarina va dende la monxa y gran poeta mexicana del sieglu XVII sor Juana Inés de la Cruz hasta la poeta asturiana contemporánea Lourdes Álvarez, pasando per autores como Anne Carson, Sylvia Plath o Olvido García Valdés.

A partir de los versos de sor Juana Inés de la Cruz, escritora en “una sociedá de valores culturales masculinos, lo qu’oblígala a neutralizar el so sexu pa poder aportar a esi privilexu masculín que ye, nesi momentu, el conocimientu”, la colaxista Carmen Santamarina propón una serie d’obres realizaes colos sos materiales habituales: fotografíes antigües n’impresión glicée y técniques mistes (pintura, pan d’oru y oxetos).