Emilio y la so empresa, y la so riqueza, y el so caprichu, y la so empresa otra vegada, que ye la empresa de la so madre, de Doña Emilia, caro. Y les perres, siempre son les perres. El domingu — ¡foder, mierda! — el domingu acaba estropiase enteru. Llamó Ramón, yeren males noticies: el trabayador inmigrante en situación irregular —el negru, ¡el putu negru, foder!— acaba cayer dientro de la máquina de despiece. Sí. Ta desangrándose nel suelu del taller —¡non! ¡Al hospital, non! Nada d’hospitales— y tenemos que facer daqué.

Don Emilio, tenemos que facer daqué. El tiempu cuerre. Les consecuencies de les tos acciones esperen. Tic, tac...