Una figura emburria una carreta. Sobre ella, una caxa sagrada, una buelga de tiempos remotos. Una llapa que priende la memoria. Ente fueu, cantar y pallabra, ábrese un espaciu onde lo antiguo alienda. Nun se trata de cuntar una hestoria, sinón d’invocar el so pulsu: les voces de muyeres que vivieron, que guiaron, que suañaron el so propiu poder.

Malabares de fueu, escupefuéu, cantu, percusión y narración combínense nun viaxe ensin mapa per territorios que yá nun esisten, pero que toos suañemos. Ritual ye una ceremonia pa recordar lo qu’entá ambura so la ceniza.