Últimos VídeosNoticies

La Conseyería de Cultura, Política Llingüística y Turismu abre’l segundu periodu anual del 2022 d’incorporación de producciones escéniques al Catálogu de l’Actividá Escénica Asturiana

Artes Escéniques

Publícase amás la llista d’espectáculos almitíos y escluyíos nel Catálogu correspondientes al primer periodu del 2022

La Conseyería va garrar esti catálogu como base pa la programación del Circuitu d’Artes Escéniques del programa Asturies, Cultura en Rede

11/03/2022.- La Conseyería de Cultura, Política Llingüística y Turismu publica la llista d’espectáculos almitíos y escluyíos nel Catálogu de l’Actividá escénica asturiana de calter profesional correspondiente al primer periodu del añu y procede a l’apertura del segundu periodu anual del 2022 d’incorporación de producciones escéniques al mesmu.

Van poder formar parte d’esti catálogu producciones escéniques de compañíes y empreses escéniques radicaes n’Asturies, pertenecientes a los ámbitos de la danza, teatru, circu, maxa, teatru d’oxetos y títeres, qu’han inscribise nun plazu de diez díes naturales a partir del día d’entrada en vigor de la resolución publicada nel BOPA N.u 49  del vienres 11 de marzu del 2022 al traviés de la web http://panel.asturiesculturaenrede.es

Nel casu de los espectáculos que yá tean incorporaos, nun ye necesario incorporalos; queden formando parte del catálogu en convocatories sucesives que s’abran.

Los espectáculos inscritos nel catálogu puen retirase d’él en cualquier momentu, previa solicitú per escrito del titular de la producción escénica a la dirección xeneral competente en materia de promoción cultural.

La Conseyería va garrar esti catálogu como base pa la programación del Circuitu d’Artes Escéniques del programa Asturies, Cultura en Rede.

 

Consultar tola información y les bases completes de la convocatoria equí.

Descargar l’anexu III

Slide 2