Nun sabemos cuándo foi’l so primer baille, nin cuándo foi l’últimu hasta anguaño. Pero ye evidente que-y presta’l baille.
La obra d’Isabel Muñoz trata al rodiu de la persona, más concretamente sobre los cuerpos de les persones. Por eso, el baille ye una constante na so fotografía; el baille, el movimientu, la danza (que nun ye exactamente lo mesmo que’l baille), el ritmu, el movimientu, el sexu, la sensualidá. Esa maxa que fai que cada cuerpu seya un glayíu de vida.

Isabel Muñoz estudia fotografía en Madrid y en Barcelona, y depués en Nueva York. La so primer esposición ye en 1986, y nel 2016 lleva’l Premiu Nacional de Fotografía. Ente una fecha y otra media toa una vida de trabayu, aprendimientu y esperiencies. Viaxó per tol mundu, fotografiando y esponiendo la so obra. Mirando y viendo la so guapura al empar que l’horror.

Nestes poques imáxenes tán presentes Camboya, Brasil, Cuba, España, Arxentina… Munchos cuerpos, munchu ritmu y munchu baille.