El Teatru Vital Aza va acoyer la final del Premiu Camaretá al Meyor Cantar, un gallardón que cumple la decimosétima edición. 

El xuráu va escoyer el cantar ganador depués de l’actuación de los finalistes nesta gala.

Los cuatro temes finalistes d’esta edición son:

• Eclipse d’Herbamora.
• L’ablugada de Llïbre.
• Valiente d’Héctor Braga.
• Xatu de Ferla Megía.

Nesta gala tamién va actuar La Bonturné, ganadores de la edición pasada, que van interpretar el tema premiáu Odisea la nui.

El Premiu Camaretá al Meyor Cantar, dotáu con 6.000 euros, ta convocáu pol Gobiernu del Principáu d’Asturies cola mira d’afianzar, prestixar y arriquecer la creación musical tanto n’asturianu como n’eonaviegu. Al premiu en metálico amiéstase la integración del artista ganador nel circuitu Autores nel Camín, col que se faen actuaciones pelos conceyos d’Asturies, amás de la producción d’un videoclip.

Más información equí