Convocatoria pa escoyer proyectos de reinterpretación artística y adquirir los sos derechos d’esplotación temporal, que se van exhibir nel pabellón del Gobiernu del Principáu d’Asturies en FIDMA 2025

20/05/2025.- L’oxetivu d’esta convocatoria ye escoyer a lo menos ocho proyectos pa la so exhibición na muestra espositiva sobre la cultura sidrera que va acoyer el pabellón del Gobiernu del Principáu d’Asturies asitiáu nel Recintu Ferial Luis Adaro nel marcu de la Feria Internacional de Muestres del Principáu d’Asturies (FIDMA) del 2 al 17 d’agostu del 2025.

Los aspirantes han proponer una adaptación, renovación y reinterpretación de la botella de sidra dende’l puntu de vista del diseñu contemporaneu, estableciendo rellaciones nueves cola nuestra cultura tradicional y ampliando les llinies d’investigación y los campos d’acción del diseñu. Asina, búscase fortalecer los vínculos ente la tradición y la contemporaneidá.

Con esta convocatoria establécense les bases y requisitos que van rexila, amás del procedimientu pa escoyer los proyectos o propuestes artístiques que se van seleccionar con respetu a los principios de publicidá, concurrencia llibre y oxetividá.

La documentación requerío ha presentase al traviés del corréu electrónicu promocioncultura@turismoycultura.asturias.es a partir del xueves 29 de mayu del 2025 a les 12:00 h.

Nun se van almitir propuestes que se remitan al traviés d’otres canales. La hora y fecha tope de presentación de les solicitúes van ser les 12:00 hores del llunes 16 de xunu del 2025.

Descargar la convocatoria equí.

Descargar los anexos equí.