Circuitu d´actividaes de cultura tradicional asturiana

La tarusa, tamién nomada patefa, ye un xuegu tradicional asturianu de llanzamientu y precisión. Consiste en derribar un cilindru de madre o metal con una ficha o piedra. A partir d´estos requisitos básicos, esiste una bayura innumerable de variantes, dalgunes estandarizaes.

Fuera, en principiu, un xuegu ente neños y neñes. Por embargu, como otros xuegos de llanzamientu y precisión (la llave, los bolos, la rana), fízose popular ente´l públicu adultu.