Circuitu d´actividaes musicales

La zarzuela ye un xéneru musical escénicu propiu d’España, como la tonadilla, el cuplé o’l fandangu, ente otros. Nesti conciertu llíricu, Susana Gudín fixo una escoyeta musical qu’amuesa estilos como la jota, el zapatiáu, el vito... y inclusive la rumba cubana xenerada al traviés de la zarzuela. Esti baille frenéticu de ritmos acompáñase por una cenciella pero al empar dinámica puesta n’escena onde los cambeos de vestuariu refuercen y arredondien esta idea de variedá y transición.