Circuitu d’actividaes temátiques Xacobéu 2022

Adaptación de la obra Diálogo entre el Amor y un Viejo de Rodrigo de Cota, escritor español que vivió na segunda metá del sieglu XV y foi xudíu conversu.

El testu ta escritu n’octosílabos y cunta l’alcuentru ente l’amor y un vieyu. El vieyu, enllenu de desilusiones, escapa d’esa fuercia vivificante, pero a la vez engañosa, que ye’l namoramientu. L’Amor, al ver amostiáu dafechu’l corazón del home, intenta convencelu pa que vuelva entregase a los placeres de la mocedá; sicasí, el vieyu namás ve dolor, traiciones y engaños nes sos palabres.