Cuentos del Jabón ye una fusión ente la narración oral tradicional y el mundu máxicu de les pómpares de xabón. Nesta ocasión ye’l turnu d’Una Puerta.

Martina yera una neña d’equí mesmo. De pequeña, so güelu cuntába-y histories sobre los seres mitolóxicos qu’habitaben la nuestra tierrina. Ella foi medrando y anque so güelu yá nun taba, siguía gociando con aquelles histories al traviés de los llibros. Una nueche, primero de dormir, depués de zarrar el llibru, miró pela ventana y descubrió una puerta nel so xardín. Decidió cruciala y ellí vivió aventures col Busgosu, el diañu, l’esplumeru y el nuberu; d’esta miente pudo sentir que tenía al so güelu mui cerca d’ella.

Una puerta, amás d’averanos a la mitoloxía asturiana, tresmite’l mensaxe de que la llectura siempres va danos nales, imaxinación, creatividá y puertes qu’abrir pa poder llegar a onde nunca nun imaxinamos.