II TSUDOCU. Ciclo de cine documental musical y cultura urbana

Localidaes escoses

Dirección: Irene G. Cañedo

Añu: 2023

Duración: 71 minutos

Llingua: español

Estreno mundial d´Asturias Patria Rockera d´Irene G. Cañedo, documental audiovisual sobre la historia del rock n´Asturies, dende los años sesenta hasta anguaño. Repasu, de la mano de los sos protagonistes, de los artistes y grupos que marcaron la escena asturiana y nacional, aparando sobre manera nes bandes pioneres, aquellos qu´algamaron un éxitu nacional y/o internacional, los pertenecientes al Xixón Sound y les bandes de rock con raigaños del patrimoniu asturianu.

Pel documental pasen Los Archiduques, Los Berrones, Ochobre, Ilegales, Manta Ray o Undershakers, ente otres munches bandes. L´heriedu de la música rock n´Asturies acompaña yá a xeneraciones enteres, xeneraciones coles que, por suerte, tovía se pue cuntar pa que nos allumen coles sos vivencies. Nun se trata namás d´alcordances, sinón de movimientos que tovía siguen, lleendes qu´entá xuben a los escenarios y discos que tovía xiren en tantes y tantes cases. Val una güeyada a esta música pa que, aquellos que baillaben a los pies d´escenarios, fiesta tres fiesta, vuelvan sentir esi ximelgón d´adrenalina, esa euforia al alcordase de les lletres, los acordes, les cadencies de los sos cantares favoritos. Una alcordanza d´una adolescencia rebelde, una mocedá reivindicativo y lluchador, una madurez inconformista. Adultos que siguen siendo mozos y mozos que van ser eternos al traviés de la música.

Ficha completa de la película