L´escritor español Luis Mateo Díez, Premiu Cervantes 2023, el gallardón máximu de les lletres españoles, protagoniza l´alcuentru viniente del Ciclu Palabra.
Coleccionista de mundos imaxinarios, Luis Mateo Díez (Viḷḷablinu, Llión, 1942) recrea éstos con una fortaleza vital onde da cuenta de la so inclinación a cuntar too aquello que tien un destín y, al empar, el sentíu de vivir no irreal.

Na so obra convídanos a descubrir, dende una mirada de lloñe, un territoriu que ye, al empar, tan cercanu como conocíu, un territoriu personal de lo imaxinario onde nos cunta aspectos raros de personaxes qu’habiten nes sos ciudaes de solombra con un grau altu de memoria antigua y pantasmal.