Un viaxe enllenu de risa, emoción y sorpreses, qu’escomienza na mayada de pastores d’El Ḷḷeu, escenariu de los branos d’infancia de David Acera nel puertu asturianu de La Vaḷḷota.

Dende ellí, vamos volar a tierres d’África, Europa, Asia y América, viviendo aventures y descubriendo xente y histories que caltienen vivu esti mundu. Histories sobre lo desconocío y viaxes ensin rumbu. Porque p’atopar daqué, primero tienes que perdelo.