Programa La Cinemateca Ambulante de Llaboral Cinemateca

Cuando Dalia ye pequeña, so padre incluye na novela que ta escribiendo un personaxe n’homenaxe a ella: una cabra, inspirada nel so peluche favoritu. Años más tarde, depués de que so padre muerra dexando inacabáu’l llibru, los personaxes del llibru secuestren a Dalia, introduciéndola nel mundu de la ficción al traviés d’un portal. El so oxetivu ye facer que la neña remate la historia y los convierta en protagonistes. La única aliada qu’ellí tien pa superar los retos que se-y presenten ye la so cabra fiel.

Información adicional: Festival de Sitges 2024; nominada a Meyor Película d’Animación en Premios Gaudí 2024.

La programación cinematográfica ufiertada por La Cinemateca Ambulante ta escoyida pol Festival Internacional de Cine de Xixón (Divertia Gijón S.A.).