Trés trabayadores d’un teatru tán acabando los aspectos técnicos primero qu’empiece la representación. Mientres trabayen, ente cables, focos y ferramienta, falen del montaxe d’esa tarde y d’otres obres de teatru que vieron o qu’inclusive representaron na so época escolar. Asina, métense na piel de famosos personaxes femeninos del teatru que les marcaron de dalguna manera, xugando ente elles a ser grandes actrices. Pa cada relatu atopen un cantar acorde que da un sentíu actual a los testos.

Un espectáculu cenciellu, emotivu y bien divertíu, que busca recalcar el valir que tuvieron los personaxes femeninos na lliteratura teatral universal pa la evolución y el cambéu social. Too ello contao por trés muyeres enfundaes en monos de trabayu que, al empar que preparen aspectos técnicos, conviértense n’actrices y cantantes.

Con Natalia Suárez Ríos, Vanessa Estraviz y Duce Victoria Pérez Rumoroso.

Dirección y dramaturxa José Rico.