1981, un añu tres de la muerte d’Alfred Hitchcock, la so esposa Alma Reville sigue esperando qu’él apaeza pela puerta. Nesta historia desplégase la vida d’Alma, afilvanando momentos dende enantes del fallecimientu del so home, hasta los díes posteriores a la so partida.

Nel relatu entetéxense pasaxes del so entamu na industria del cine, la so vida familiar y la so carrera profesional al pie de Alfred, cola etapa posterior al so fallecimientu, na que caltién una serie de conversaciones cola so fía, Patricia Hitchcock. Alma enferrónase a l’alcordanza del so trabayu na industria cinematográfico y la collaboración col so maríu, al empar que caltién viva la presencia d’esti na so mente.