"Toles families felices paécense, pero les infelices sonlo caúna a la so manera", Anna Karenina, León Tolstoi.

Un rellatu ye un artefactu lliterariu que cunta una hestoria. Y pa cuntala, precisa unos personaxes que, nesti taller d’escritura creativa, van ser toos personaxes familiares. Al traviés d’ellos y elles, vamos crear cuentos sobre families, sobre rellaciones ente les persones que formen y conformen estos pequenos sistemes o universos familiares.

Amás vamos comprobar y vamos aprender a crear personaxes atrayentes. Munches vegaes, el tema del rellatu ye lo menos importante porque, si los nuesos personaxes son interesantes y la nuesa mirada sobre la hestoria ye orixinal, yá tenemos les bases pa qu’el nuesu cuentu funcione. Pa ello, vamos trabayar con semeyes familiares (nun tienen por qué ser personales) que van danos pistes pa cuntar esa hestoria que, en cualquier familia, tovía ta ensin cuntar.