Ente Tonaes y cancios fáenlu 4 intérpretes: 2 cantores de Tonada (muyer y home), xunto a gaita y tambor. N´esti festexu fadránse canciones d´arréu, soberanes, dialogaes... interpretaes por los cantores oficiales y, de xuru, daquién de la xente que tea presente va xunise al corru. La gaita fadrá l´acompañamientu de los cantores y, amás, col tambor, daremos relevancia a la tan entrañable y cuasi desapaecía pareya de gaita y tambor. 

Sedrá asina como fadremos que la xente reconecte coles sos costumes, de la música y la cultura d´Asturies; y sientan l´arguyu de que formen parte d´ello.