Andosca ye una pieza de formatu pequeñu empobinada al públicu familiar que cunta col usu y manexu de pequeños oxetos cotidianos mínimamente tresformaos, ensin perder la so esencia, precisamente queriendo poner en valor la necesidá del xuegu y la reutilización d’elementos de tola vida que mos son cercanos y formen parte del nuestru día a día, pa da-yos otru usu, otra vida.

El trabayu interpretativu parte de la narración oral tradicional, los cantares y la manipulación d’oxetos pa tresformalu nun espectáculu del sieglu XXI ensin perder la esencia de la nuesa bayura cultural. Dalgunos cantares sedrán más reconocibles qu’otros pero toos dirán empobinaos a enanchar la tradición musical de los neños y de les neñes d’anguaño, cola intención de que mos replanteganos en qué midida ye importante absorber y nun perder la tradición dende’l puntu más primitivu de la oralidá y de la canción repetida.