Circuitu d´actividaes de cultura tradicional asturiana

El desenvolvimientu social y territorial de gran parte d’Asturies nos últimos 200 años débese al procesu industrializador, más fuerte na zona central asturiana pero que nes ales de la rexón cunta tamién con exemplos. De toa esa historia llegó a los nuestros díes un patrimoniu industrial bien estensu que nos va ayudar a entender esi procesu y a considerar esos elementos como parte del paisaxe y con gran potencial de futuru. Al traviés d’esta actividá avérase esa historia a la sociedá asturiana pa comprender el procesu de la industrialización n’Asturies y conocer el patrimoniu cultural deriváu del mesmu con una proyección comentada, amás d’un documental onde dellos mozos dan la so visión sobre’l Patrimoniu Industrial, abriendo d’esta manera un debate colos participantes.