Yera una vez...

Un corcuspín qu’aprendió a texer con un duviellu máxicu, que yera lo que más queríen nel mundu los sos amigos/gues. Un melandru carteru que, ensin dicir nada, escribía cartes pa facer felices a los sos vecinos/es del monte. Una oveya que nun quier saltar barganales peles nueches, menos cuando lo pide un neñu bien especial que nun ye a dormir, y una vaca que nun sabe montar en bicicleta, a la qu’ayuden les sos amigues les pites, esmolecíes pola so autoestima. 

Toos estos animales nun lo saben tovía, pero bien llueu van descubrir qu’un amigu ye un regalu.

Dramaturxa basada nos cuentos de Susanna Isern (El ovillo mágico, Cartas en el bosque), Andy Cutbill (La vaca que punxo un güevu) y Margarita del Mazo (El rebaño).