Un proyectu de Sandra Fernández Sarasola.

Conrazón axunta dellos llibros d’artista fechos tanto de manera individual como colectiva por Fernanda Álvarez, Isabel Cuadrado, Sandra Sarasola y Elisa Torreira. Una propuesta collaborativa singular, con vocación d’apertura y de posibilidaes d’estensión, que zarra un círculu de reflexón y d’esperiencia vital y artística compartida. Esta esperiencia combina la investigación formal —sobre’l llibru d’artista como construcción plástica— y al empar, performativa, con un procesu creativu que formienta ente autorreflexones y alcuentros y que se nutre tanto de la esperiencia suxetiva como de los sos descubrimientos en grupu.